[عمر رونالدو]

مقارنة بين الشارع الهاي وشارع لما تشوفو تقولو باي

السلام عليكم يا احلى اعضاء منورنا
نوركم غطى على نور الكهربا
عموما مطولش عليكم
الحكاية باينة من العنوان
تحب الشارع بتاعك يكون اي واحد من دول
الشارع الهاي ولا اللي تشوفو تقول باي
اولا الشارع الهاي :
شارع اول ما تشوفو من بعيد تبص وتنح واول ما تبدا تدخل الشارع تشم احلى روائح
من نضافة الشارع
شارع مرصوف كويس منظم مزروع شجر على الصفين متلاقيش ورقة واقعة على الاض
مكنوس بزمة وضمير ممكن لما تزهق من سرير بيتكم تيجي تمدد علية
تمشي في الشرع تلاقي هدوء غريب يخوف ههههههههههههه
البيوت جميلة منتظمة مدهونة احلى الوان البلكونات جميلة وكل بلكونة فيها زرع وورد
متلاقيش غسيل ينزل المية على نفوخك وانت ماشي ناس جايبة من الاخر اتوماتيك طبعا
وتمشي وانت مطمئن لاجردل مية يحميك ولا كيس زبالة يمسي عليك
ناس شعارها الاول النظافة والجمال
والعربيات من كل نوع مركونة ومتغطية وعلى جنب متلاقيش عربية ولا توك توك طالعلك من نص الشارع متعرفش جالك منين
هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 800x600 .
هى دي الشوارع والا بلاش
الشارع بيزرغت من جماله

ثانيا :الشارع اللي تقولو باي
شارع استغفر الله العظيم تشوفو تقول انا لله وان اليه راجعون
روائح ايه مقولكش ومش عايزة اقول اصلا
النظافة مبدا مرفوض تماما تمشي في الشارع اذا لاقيت مكان تحط رجلك فيه
مش مرصوف والزباله في كل مكان والبلاعات متفتحة لله وللوطن
الناس قاعدة فيه تقولش قاعدين في قرية فينيسيا
تمشي في الشارع جردل مية يحميك دا بدل حماية العيد
غسيل يغرقك ولا كنها سيول بلاكونات ماشاء الله بتشتكي من صحابها كركبة
والبصل متعلق وشوخ ليها اول متلاقيش ليها اخر
والبيوت نفسها بتدعي على صحابها من اللي بتشوفو
والناس قاعدة على باب البيت تشوف انت رايح فين وجاي منين ولو معاك حاجة جايبها خبيها العين فلقت الجبل
واحتمال تلاقي عندهم حمام عام للكل
وعيال بتلعب في الشارع بكورة شراب تكسر في عمدان النور دا اذا كان في من الاول
وحدف طوب وزلط متعرفش هواية ولا تعود ولا يمكن طقوس يومية
تلاقي في نص الشارع عربية متعرفش طالعالك منين تلزقك في الحيط
وربك يسترها وتكمل الشارع لاخرو بدون خسائر لا تقع في بلاعة ولا طوبة تيجي فيك تجيب اجلك
تخرج من الشارع تنطق الشهادة بان ربنا كتبلك عمر جديد





الشارع بيثتغيث يا اخونا
الله يكون في عونو



وارجو انو ينال الاعجاب ومكنش طولت عليكم
وفي رعاية الله
بس اولا تفضل اي نوع والشارع التاني تفتكر الحل فيه ايه
ربنا يتولاه برحمتة



المواضيع المتشابهه:

المصدر: منتديات توات العربية العالمية - من قسم: النكت

---

lrhvkm fdk hgahvu hgihd ,ahvu glh ja,t, jr,g, fhd lrhvkm lrvhki hgahvu hgihd fhd fdk ja,t, jr,g,